કલબલાટ

બળપ્રયોગ અને બુદ્ધીપ્રયોગ ની વચ્ચે આવે છે, વાણીપ્રયોગ (સૌથી ઘાતક). ક્યારે બોલવું, શું બોલવું, કોની સામે બોલવું, બોલવાની જરૂર છે ખરી? એ વિચાર્યા વગર બોલવું – એ બધું ક્યારેક મુશ્કેલીમાં મૂકી શકે છે.

“મુર્ખાઓ બોલતા હોય ત્યારે ચુપ રહેવું” એ જૂની વાત છે. નવું વર્સન આ રહ્યું: “મૂરખાઓ બોલતા હોય ત્યારે, તમારી વાતને એવી રીતે રજુ કરો કે, બીજીવાર એ મુર્ખ પ્રાણીઓ વિચાર્યા વગર ના બોલે”

જયારે રસપ્રદ ચર્ચા ચાલતી હોય અને દરેકના અભિપ્રાયની જરૂર હોય ત્યારે, જેમ્સ બોન્ડની જેમ ફક્ત જોયા કરવું અને કઈ ના બોલવું, એ તમને મહાન માણસમાં (કાં તો મુર્ખ માણસમાં) ખપાવી શકે છે. “કોઈ પૂછે તો જ બોલવું” એવો ખોટો દંભ છોડી જ્યાં જરૂર હોય ત્યાં બોલવું!

નોંધ: હું જે લખી રહ્યો છું, તે જ હું બોલી રહ્યો છું, એમ ધારી લેવું નહિ !!